ആത്യന്തികമായി നമ്മേ പരാജയപ്പെടുത്തുവാൻ നമുക്കു മാത്രമേ കഴിയു. ദൈവവിശ്വാസം പോലെതന്നെയാണ് ആത്മവിശ്വാസവും. ആത്മവിശ്വാസിക്കെ ഉൽകൃഷ്ട വ്യക്തിയായിത്തീരുവാൻ കഴിയുകയുള്ളു.
സ്വന്തം കഴിവിൽ വിശ്വാസമില്ലാത്തവൻ ഭീരുവും മടിയനുമായിത്തീരുന്നു. ആത്മവിശ്വാസമില്ലാത്തവന്റെ ദൈവവിശ്വാസത്തിൽ ദൈവത്തിനുപോലും വിശ്വാസമുണ്ടാവുകയില്ല. " ഇവനെപ്പഴാ ഇട്ടേച്ചു പോകുക " എന്നായിരിക്കും ദൈവം അവനെക്കുറിച്ച് വിചാരിക്കുക.
കീഴടക്കപ്പെടുന്നതിനെ ഭയപ്പെടുന്നവൻ പരാജിതനാകുമെന്ന് നിശ്ചയമാണ്. ജാഗ്രതയോടെ ജീവിതം നയിക്കുന്ന വ്യക്തിക്ക് സാധാരണ ജീവിതം തന്നെ അസാധാരണമായ ആത്മബോധത്തിന് കാരണമായിത്തീരും.
