നിശബ്ദത നല്ലതാണ്, എന്നാൽ എല്ലാ നിശബ്ദതയും നല്ലതല്ല. നിങ്ങൾ സംസാരികേണ്ട സമയത്ത് സംസാരിക്കാതെ ഇരുന്നാൽ അത് പക്വതയുടെ ലക്ഷണമായോ സമവായത്തിന്റെ ലക്ഷണമായോ കരുതുകയില്ല. ഈ നിശബ്ദത തെറ്റുമാത്രമല്ല, കുറ്റകരവുമാണ്.
ഉത്തരവാദിത്വത്തിൽ നിന്ന് ഒളിച്ചോടുന്ന ഇത്തരം പലായനവാദികൾക്കും പറയാൻ തൊടുന്യായം കണ്ടേക്കാം. അല്ലെങ്കിൽ ഏതു യുദ്ധത്തിലാണ് ഇരു കൂട്ടർക്കും ന്യായം ഇല്ലാത്തത്.
അഗ്നിപരീക്ഷയുടെ അസ്വസ്ഥതകളിൽ അവധൂത ഭാവനയുടെ അരളിപ്പൂക്കളുമായി ഹൃദയസംവാദം നടത്തുന്നവർ നമുക്കുചുറ്റും ധാരാളമാണ്.
പരാശ്രയനായ മനുഷ്യൻ മൂലധനത്തിനും സാമ്പത്തിക മേധാവിത്വത്തിനും മിഥ്യാഭിമാനത്തിനും വേണ്ടി അവന്റെ ജീവിതവും ഭാവനയും ചിന്തയും എല്ലാം അടിയറവെയ്ക്കാൻ നിർബന്ധിതനായിരിക്കുന്നു എന്നതാണ് സത്യം.
