" സംഭവിച്ചതൊക്കെ സംഭവിക്കാനുള്ളതായിരുന്നു " എന്ന ചിന്ത നിങ്ങളുടെ മനസ്സിനെ അല്പമെങ്കിലും കുളിർപ്പിക്കുമെങ്കിൽ അങ്ങനെയായികൊള്ളട്ടെ, വിരോധമില്ല. പക്ഷേ, ഇനി സംഭവിക്കാനുള്ളത് യഥാകാലം സംഭവിച്ചുകൊള്ളും എന്ന വിചാരത്തിൽ കൈയും കെട്ടി നോക്കി ഇരിക്കാനാണ് നിങ്ങളുടെ ഭാവമെങ്കിൽ അത് ശുദ്ധ ഭോഷ്ക്കാണ്. കാരണം; സമയം ഏറ്റവും വിലപിടിപ്പുള്ള സംഗതിയാണ്. ചെയ്യേണ്ടത് ചെയ്യേണ്ട സമയത്ത് ചെയ്തുതന്നെ വേണം. ചരിത്രത്തിന്റെ ഗതി സ്വയം മാറുകയില്ല. അത് തിരിച്ചുവിടുകയാണ്. സമയനിഷ്ഠയുടെ പുത്രിയാണ് " വിശ്രമം ".
