നാം സ്നേഹിക്കപ്പെടുന്നു എന്നുള്ള വിശ്വാസമാണ് നമുക്ക് ജീവിതത്തിൽ ഏറ്റവും വലിയ ആനന്ദം നൽകുന്നത്.
****************************
പ്രവർത്തിക്കുവാൻ എന്തെങ്കിലും ഉണ്ടായിരിക്കുക, സ്നേഹിക്കുവാൻ എന്തെങ്കിലും ഉണ്ടായിരിക്കുക, ആശിക്കുവാൻ എന്തെങ്കിലും ഉണ്ടായിരിക്കുക, ഈ മൂന്നിലുമാണ് ലോകത്തിലെ സുഖം അന്തർഭവിച്ചിരിക്കുന്നത്.
****************************
നീലാകാശത്തിലെ നക്ഷത്രപ്പൂക്കളെ ചാടിപ്പിടിക്കുവാൻ കഴിഞ്ഞില്ല എന്നതല്ല ജീവിതത്തിലെ ഏറ്റവും വലിയ ട്രാജഡി; ചാടിപ്പിടിക്കുവാൻ ആകാശച്ചെരുവിൽ ഒരു കുഞ്ഞു നക്ഷത്രത്തെപ്പോലും കണ്ടെത്താൻ കഴിയാത്ത അവസ്ഥയാണ് ജീവിതത്തിലെ ഏറ്റവും വലിയ ട്രാജഡി!
****************************
ഒരു രാജ്യത്തിലെ പൗരന്മാർ പരസ്പരം നീതിപുലർത്തുമെന്ന പ്രതിജ്ഞയാണ് നിയമം. നിയമത്തിന്റെ കീഴിലല്ലാതെ സ്വാതന്ത്ര്യമില്ല. നിയമം സ്വാതന്ത്ര്യത്തെ പരിമിതമാക്കുകയല്ല; സാദ്ധ്യമായ സ്വാതന്ത്ര്യത്തെ സൃഷ്ടിക്കുകയാണ്, കുടുംബബന്ധങ്ങളും ഇങ്ങനെയൊക്കെത്തന്നെയാണ്!
****************************
ജീവിതമെന്ന മത്സരപന്തയത്തിൽ വെള്ളിമെഡൽ കിട്ടിയെന്നോ, സ്വർണ്ണമെഡൽ നഷ്ടപ്പെട്ടെന്നോ എങ്ങനെ വേണമെങ്കിലും പറയാം.
