പുരാതനവും പരിപാവനവുമായ ഹിന്ദു സംസ്ക്കാരത്തിന്റെ നിലനിൽപ്പിന് ക്ഷേത്രങ്ങൾ നിലനിൽക്കേണ്ടതാണ്. ജനഹൃദയങ്ങളിൽ ഉറച്ചുപോയ അജ്ഞാനവും അതുമൂലമുണ്ടാകുന്ന ദുഃഖവും അസ്വസ്ഥതയും വിദ്വേഷവും നീങ്ങി ജ്ഞാനവും സുഖവും പ്രേമവും സമാധാനവും വർദ്ധിക്കാൻ ക്ഷേത്രങ്ങളും ക്ഷേത്രാരാധനകളും നിലനിൽക്കണം. ക്ഷേത്രത്തിന്റെ അഭിവൃദ്ധിയ്ക്ക് അഞ്ചുകാര്യങ്ങൾ അനുഷ്ഠിക്കണമെന്ന് പറയുന്നുണ്ട്.
(1). ആചാര്യന്റെ (പൂജാരിയുടെ) തപസ്സ് (ബ്രഹ്മചര്യം)
(2). ജപം (വേദജപം, സഹസ്രനാമം, പുരാണപാരായണം)
(3). നിയമങ്ങൾ (വിധി അനുസരിച്ച് കൃത്യ സമയങ്ങളിലുള്ള പൂജാകർമ്മങ്ങൾ)
(4). ഉത്സവം (ചടങ്ങുകൾ അനുസരിച്ചുള്ള ഉത്സവാഘോഷങ്ങൾ)
(5). അന്നദാനം
മേൽപ്പറഞ്ഞവ ക്ഷേത്രത്തിൽ നടന്നിരിക്കണം.
